عفوشي وحيحي
فهم يحتلو كل شيء فيها نلاحظ فيقولو ان الله معاهم ، والرسول معاهم ، والجنة معاهم ، والنار معاهم ، وسيدي الحسين معاهم ،والاعلام معاهم ، وامريكا معاهم ، وزلط المعونات والمساعدات معاهم ، والتعيينات الخاصة معاهم والمليشيات معاهم ، والمساجد معاهم وبنادق القبيلة معاهم وفوق هذا كله لاشبعوا ولاقنعوا وجالسين يبتزوا الناس بأسم اعادة الحقوق والمساؤاه
معاهم طابور طويل عريض من المزايدين .. وطابور طويل عريض من الشتامين .. والحنى معاهم ، والحبة السوداء معاهم ، وخلطة العريس معاهم ، والعسل
والبيض معاهم وجنوب لبنان مسكنهم . والمطالبين بالانفصال معاهم والدراجات الناريه الي تقشط الى القبر بلا رجعه والدقيق المكدس معاهم
والصميل معاهم .. واحنا معانا مجرد حلم صغير يتمثل في ايجاد دولة مدنية نعيش فيها جميعا باحترام .. احترام يحفظ لهم كل امتيازاتهم تلك بمافيها الجنة والنار ، ويحفظ لنا حلمنا البسيط بأن لا يذهب الواحد منا الى النار بمزاج سيدي الحسين ...
صانع الوحده المحروق معاهم ، وحامي الوطيس معاهم وداحس وغبراء معاهم والجندي والصوفي ء حقهم ،، والوحدة حقهم ،وحملات التشهير بالناس حقهم ، وحملات شتم الناس وتكفيرهم برضه حقهم ، واحنا معانا حملة "شارك" لتنظيف المدينة ، وبرضه مش عاجبهم !؟ ولا حمله لرفع القوارير من الطريق
معاهم القاعدة .. ومعاهم الراهدة .. ومعاهم الإسراء والمعراج .. ومعاهم محافظ تعز ومحافظ صنعاء والوزراء، ومعاهم كلهم المحافظين علىالوحده وعلى الثوابت وعلى قيام الليل وابتزاز الخلق في النهار ..
والله انه شيء يفطر القلب ويخلي الواحد يخرج عن اخلاقه

كثرت الحملات الفيسبوكية ،مره نازل طالع جارع شاجع ، ومرة انا مش نازل ، ومرة انا مش طالع .. المهم كل واحد يغني على ليلاه .. وحيال هذا العصيد العفاشي والحوثي الحاصل في اليمن-- فإننا سنكون بحاجة ماسة لأن نقوم بحملة كبيرة تقوم بمسحهم وكنسهم ،
ما الذي يريده هؤلاء ؟
لقد شتموا الناس جميعا ، وجعلوا من ارذل الناس قادة وقلنا ماعليش ، الصبر حلو .. لكن أن يعتقدوا بأن سكوت الناس على شتائمهم وعلى ممارساتهم المتكاثرة - بسخف - يعني التواطؤ معها او القبول بها فهذا امر غير صحيح ، وعلى عقلاءاليمن ألا يغضوا الطرف اكثر .
عليهم ان يخجلوا من انفسهم قليلا .. الا يفهمو ان الشعب اليمني صايع من السياسه ويعرف يسوق الدراجه احسن منهم